被擺上枱！古天樂尷尬見番23年前劇照
20180823
東網電視
更多新聞短片
古天樂有啲尷尬。
影星古天樂（古仔）、張智霖（Chilam）、鄧麗欣（Stephy）、鄭嘉穎、柏天男、謝天華、陳庭欣與黃百鳴等，到銅鑼灣出席新片《L風暴》首映禮，現場先為「八月之星」Chilam及嘉穎送上禮物賀壽，及後更拎出Chilam與古仔在95年劇集《天地男兒》的劇照作對比，相中古仔皮膚依然白皙，他看到相片後有點尷尬，笑指大會整蠱他，而Chilam則說：「影得咁老嘅，當年個樣好似尋日咁喎！」
二人接受訪問，問到古仔見到23年前舊照似不開心？他說：「係錯愕，明明講緊佢哋生日，冇啦啦又拎張相出嚟，被擺上枱。點會唔開心，當然冇關係。」Chilam則笑說：「張相感覺上唔係好耐吓，當時係我哋仲係童星嘅時候！」提到古仔將為新片變白？他表示：「黑番喇，呢排拍戲曬，有化妝化晒塊面。（同張相一樣白？）差唔多啦！」問Chilam可會想曬黑？他說：「我都鍾意黑，試過曬燈，但出咗好多雀斑，搞到塊面一點點咁。」古仔聞言笑說：「係咪老人斑呀？」問8月27日迎接47歲的Chilam會如何慶祝，他透露人在香港，或會包場睇戲慶祝，問古仔可送禮物給23年老友？他說：「送包場畀佢啦！」問到票房好會如何慶祝？Chilam說：「依家要睇全球票房，若果有三數億，我就裸曬燈！」古仔則說：「咁我着衫曬燈啦！」
提到前經理人私吞酬勞罪成，Chilam表示：「不予置評。」
----------------------------
東網巨星開咗ig喇，大家快啲follow啦！