王力宏「情敵」出世 極速改名叫王嘉耀

20180824
東網電視
更多新聞短片
恭喜晒!

42歲台灣天王王力宏與太太李靚蕾婚後育有兩個千金,今年仲追仔成功添,今朝十一點佢就喺社交網報喜,指太太已經生咗喇,母子平安!

王力宏晒咗一家三口合照,佢同李靚蕾合埋眼頭貼頭,囝囝就喺李靚蕾懷中,皮膚仲係紅卜卜,照樣都係睇唔到正面,不過就睇得出阿仔好多頭髮,而王力宏仲公開已經為囝囝改咗名喇:「感謝主我的情敵不再是貝多芬,而是:王...嘉...耀 👶🎵❤️ 今天我們有了兒子,老婆 辛苦了,母子均安。謝謝大家的祝福,我跟老婆的心裏充滿感動,溫暖,期待,希望,和感恩!」

之後,王力宏好友章子怡亦有轉發其博文並留言:「再次恭喜力宏和靚蕾!歡迎嘉耀小朋友,醒醒(章子怡囡囡)又多了一個小伙伴。」