死過翻生開個唱 張偉文登台搞到糖尿病
20180824
東網電視
更多新聞短片
張偉文表示每次演出都會唱到最好。
「靚聲王」張偉文到電台宣傳演唱會，他表示過幾日就會開始綵排，歌單基本已經定好。問病後康復開騷，可謂死過翻生，問可有壓力？他說：「天然嘅有，例如企同行路唔穩陣問題幾困擾，但要睇開啲。（身體應付到開幾場演唱會？）冇問題，因為當中會有休息，如果日日唱就辛苦。」
談及做運動鬆弛腳部肌肉，他說：「我喺屋企成日行，因為係最安心嘅地方，跌到會知大約係幾傷，街就行唔到，因為凹凸不平，所以出去都係輪椅代步。」他今早行了400幾步，每日希望行1,100、1,200步，行路以免小腿萎縮。
依家體重180磅要Stop
飲食方面，他表示一直有節制：「我依家食唔多，之前一日食一餐，但呢兩個禮拜就會加多個牛油果，為咗健康着想。（夠飽？）牛油果幾滯。（唔肚餓？）唔會，冇之前咁貪食，依家磅數穩定，如果太重嘅話隻腳就會更麻痹，依家大約180磅，但我年幾前出院時其實係140幾磅，去到依家180磅要Stop，其實我想去番出院時嘅磅數。（醫生話依家個磅數OK？）佢只係唔接受太重。」
問今次演唱會之後會休息還是繼續出埠登台？他表示去年到了美國登台，由於舟車勞頓搞到好辛苦：「因為有時差，同埋去幾日就要返嚟，糖尿病都係因為之前走埠走得多得嚟，因為去到第一餐食少少，第二日先正常食。」
----------------------------
東網巨星開咗ig喇，大家快啲follow啦！