成日蒲深水埗 孫耀威自認係「機佬」
20180824
東網電視
更多新聞短片
孫耀威話佢成日蒲深水埗。
歌手孫耀威（Eric）到灣仔出席電腦活動，在大學修讀電腦的他坦言由小學開始已懂得寫遊戲程式，自認是不折不扣的「機佬」：「我成日蒲深水埗，當年喺內地拍嘢係第一個用手機聽歌，大家都覺得匪夷所思，嗰時每次入得6首歌咋。」他認為科技有助慰藉思鄉病，除了可以上網看香港新聞，又可靠視像見家中貓狗：「我出去做嘢3、4日，佢哋就有情緒病，唔肯去廁所。我會叫老婆（陳美詩）喺屋企開視像，佢哋聽到我把聲就冇事。同老婆就冇乜視像，叫佢駁完就拜拜！」提到家人在歐洲，他笑言要常跟姨甥視像，以免對方忘記自己。
Eric又指科技對演藝圈影響亦很大，現在不少劇本都與科幻有關：「之前拍咗套戲，成套都要吊威吔，加埋電腦特技，出到嚟好似我打緊機咁。」他強調自己的電腦知識從沒Out過，更成為親友的御用電腦技師：「車婉婉間酒樓嘅電子防盜都係我整，其他人要萬幾蚊，我千幾蚊就整到，我自己舖頭嘅防盜都係我自己整。」
----------------------------
東網巨星開咗ig喇，大家快啲follow啦！