【咁就13年！】陸詩韻晒同屆港姐珍貴合照
20180825
東網電視
更多新聞短片
2005年港姐你認得幾多個？
相信唔少香港小姐都視參選經歷為人生重要嘅回憶，好似2005年港姐亞軍陸詩韻（Sharon），今日就喺社交網甫咗一張當年參選嘅舊照，仲話：「13年前的呢張珍藏不得了！」嘩！呢張相真係極其珍貴，唔知大家認唔認到相中人呢？第一行左三就係Sharon，而同一行最左就係當年「最上鏡小姐」鄧上文（Shermon），即係藝人鄧英敏女兒，當年佢憑住燦爛笑容奪得該獎，如今佢淡出幕前，仲係三個小朋友嘅媽媽，全力相夫教子。而Sharon旁邊就係李思雅，依家以做主持為主。
網民大讚冇走樣
至於第二排最左就係當年嘅季軍林莉，擁有高佻身形嘅佢依家係模特兒，喺外國參與唔少時裝騷，亦有喺幕前演出。當然唔少得企喺最尾一排左四嘅冠軍葉翠翠，佢已經係兩子之母，仲做埋網上KOL，不時分享育兒心得。唔少網民都話佢哋個樣唔係好大變化，仲話時間咁就過咗13年喇！
----------------------------
東網巨星開咗ig喇，大家快啲follow啦！