雙料亞軍鄧卓殷自認爆冷入三甲

《2018香港小姐競選》決賽圓滿結束，身材「的骰」的（20）鄧卓殷（Amber）憑決賽夜出色表現贏得亞軍，兼奪得「最上鏡小姐」，她將「農夫」改名做「播種的機」，盡顯口才及急才！

對於獲得不少評判稱讚，但最終未能稱冠，她表示已相當滿足：「當初參選都冇諗到入三甲，只係抱住享受上台表演舞蹈嘅心態，喺舞台上發光，比賽期間都未諗到點做，就下一關喇！（你口才仲好過跳舞喎！）都係呀！有心理準備，綵排時見到農夫，知道會面對佢哋，就上網research吓，就諗到『播種的機』呢個term。」她表示得到亞軍兼得「最上鏡小姐」非常開心，完全沒有失望，而且跟冠軍陳曉華是好友：「我哋第二輪面試都一齊去，佢好有冠軍相，戥佢開心。」