電影煞科 楊澤怡拍墳場處女戲嗌驚

20180827
東網電視
更多新聞短片
Shirley坦言新戲拍得幾辛苦!

前組合FFx歌手楊澤怡(Shirley)到觀塘出席有份主演的電影煞科宴,並獻唱電影主題曲《青春戰記》。受訪時她坦言拍得幾辛苦:「我喺東南亞同內地登完台就拍呢套戲,去咗中文大學同屯門一個墳場拍。我咁大個女都未去過墳場,嗰陣啱啱落完雨,好多蚊。拍嗰陣要獻花,我好驚。」提到與鄭恕峰及黃文標等前輩演員合作,Shirley表示很開心,大讚他們演技好:「電影入面未交代我同男主角劉頌鵬嘅感情,會喺我嘅MV用微電影拍出嚟,好似番外篇咁。」

另外,她透露年底將有機會拍攝古裝片,自己很喜歡看古裝劇集,因此非常興奮:「好開心有好多工作,之前去咗第度發展,好掛住粉絲同朋友。(搵好多錢?)呢個唔重要,最重要做到自己鍾意嘅嘢。以前組合有四個人,依家得我一個,壓力都大咗,要勤力啲。我去咗維也納學唱歌兩年,好想畀大家知我唔係以前嘅我,已經成長咗。」