單拖現身！湯君慈爆細佬缺席原因

藝人湯鎮業大仔湯君慈出席電影首映禮，問他為何單拖上陣？他笑言因細佬湯君耀有約而缺席。問到一個人慣不慣？他說：「要慢慢習慣，都唔想成日黐住。（因為細個已經黐住？）都係，都大個，唔想依賴咁多。」他又謂兩兄弟間、他說話較多，自己比弟弟成熟少少，但他笑言彼此不會傾心事：「佢性格內向啲，比較收埋。（佢會唔會同你講追女仔嘅嘢？）冇，尤其是呢樣嘢唔講，佢都唔會同爸爸媽媽講。」

講到工作，他表示最近忙於宣傳電影《大師兄》：「呢排都係去謝票多，想多謝番啲觀眾。（有冇留意票房？）我見都好，口碑都好好，所以更加想做多啲謝票，我都會私下去謝票，去戲院同經理傾一傾，睇吓可唔可以謝票。」他亦謂之後想多些嘗試拍戲：「唔想淨係拍動作片，咩角色都想試。」講到彭于晏在另一部新戲中背部全裸，問他可接受為藝術犧牲？他笑言：「如果我有時間準備都OK嘅。」