嫻妃皮膚敏感 佘詩曼心口一撻撻紅印

20180829
東網電視
更多新聞短片
慘慘豬!

藝人佘詩曼(阿佘)出席護膚品牌活動,但見她臉頰和心口有一撻撻紅印,她解釋現場太熱,所以皮膚敏感,又謂自己很着重護膚,每天會在這方面花上一、兩個小時。

講到憑內地大熱宮廷劇《延禧攻略》「嫻妃」一角而再次爆紅,阿佘笑言的確多了很多人叫她嫻妃:「尋晚坐飛機時,有個名牌,空姐喺上面寫上嫻妃娘娘,問我可以同佢哋後宮小姐影相嗎?好好笑好得意。(因為劇集多咗好多工作?)都有人搵。(加價?)價錢要問番經理人。」

力撐袁春望

提到飾演奸險太監「袁春望」的內地演員王茂蕾在社交網被網民轟炸,以致他外出都要戴上口罩,免被認出,阿佘表示:「之前同一班演員聚會同宣傳,都係一件好開心嘅事,相處得好好,佢係咁畀人鬧,都係一件好事,證明觀眾投入。」而飾演女主角「魏瓔珞」的吳謹言被指耍大牌,阿佘則表示:「有聽聞呢個新聞,平時同佢相處,佢都係一個好人,知佢道咗歉。(拍續集?)唔知喎,冇收到呢個消息,不過好彩我個角色冇死到。」

此外,問到舊緋聞男友鄭嘉穎剛新婚?她就指自己幾個月不在香港,亦沒有傳短訊恭賀對方:「咁重要梗係見到先講。(請佢食飯?)係都佢請我食啦。」