怕悶身兼5職 馮凱淇泳衣網店回本等賺錢

20180830
東網電視
更多新聞短片
咁多身份會唔會玩到精分裂?

近年主要於內地發展的跳唱歌手馮凱淇(Cherry),終回歸香港樂壇,先以獨立樂隊Muffy主音身份推出新歌《奮鬥》:「好開心可以喺香港再同Fans見面,希望可以帶多啲正能量畀大家,始終樂隊五個人嘅力量比一個人大,幾享受參與其中。」她又指現時都有嘗試作曲,再交由其他成員幫手編曲。

自認怕悶的Cherry為自己開發多重身分,除了正職歌手之外,還擔任主持人、作家、泳衣網店店長、KOL等,認真百足咁多爪!她坦言對文字有情意結,故現時都有參與愛情專欄寫作;至於網店方面,她笑言目的是想將自己喜歡的物品同大家分享,一齊着出自信:「由入貨到賣出都會一手包辦,甚至會做埋客服,依家都開咗一年。(投資咗幾多錢?)都有6位數字,不過我係慢慢咁投資嘅,都唔想咁大舊錢放落去,唔知會賺定蝕㗎嘛!」現時已成功回本?Cherry開心指已回本,不過就未去到賺錢階段:「做生意都係要守業嘅,唔可以寄望話做生意就一定要賺錢,難度太高。」

講到之前以眾籌方式出書,Cherry亦透露現正開筆寫愛情書:「可能會喺下年出。(再用眾籌方式出書?)呢樣有好處,就係出書嗰陣已經可以Cover成本,但就有一定壓力,係信心問題,到時先再決定。」

----------------------------
東網巨星開咗ig喇,大家快啲follow啦!
https://bit.ly/2JjSVcr