盧凱彤有份參與新碟 Eason:冇人代替到

20180830
東網電視
更多新聞短片
盧凱彤有份參與Eason的新碟。
歌手陳奕迅(Eason)為新歌《可一可再》舉行網上直播活動,吸引10萬人次觀看,現場超過30家媒體到場採訪,他表示這張Duo Band唱碟籌備了6年,由2010年Duo巡迴演唱會而開始,由Duo Band創作這張唱片,而碟內最後一首歌《可一可再》是Eason自己創作,在5月時進行錄音及拍MV,唱片封套亦已完成拍攝,他預計唱片會在2019年前推出,亦會舉行Duo Band一個免費演唱會,由他一手包辦,只會在香港演一場,暫時構思是招待弱勢社群欣賞,不設售票。
好掛住盧凱彤
至於屆時Duo Band少了盧凱彤(阿妹)?Eason說:「個騷係會繼續進行,阿妹呢個位置仲度緊,其實冇人可以代替到,舉例搵二汶都對佢唔公平,搵任何人都唔公平,依家科技嘅技術應該做到,咁阿妹嘅結他係錄低咗,聲係可以永遠流傳。」
提到《可一可再》MV都有阿妹Ellen的畫面出現,Eason坦言慶幸當日拍完MV後,有請阿妹到他公司率先睇過:「好彩有呢一下,畀佢過目過,咁佢當時睇完都有畀咗啲意見,進行咗少少嘅修改。」現MV可成為送給阿妹最後禮物:「基本上MV原本8月頭推出,後尾延期,依家好似Timing啱啲。」
Eason忍不住說:「我係好掛住佢!」而他稱還有一首歌MV阿妹都有參與拍攝,都是阿妹的開心畫面。
講到真正賣飛的個人演唱會幾時舉行?Eason稱:「唔咁快啦,未有耐喎,我都有構思好晒,同練好啲氣先。」