沙律爆被「鹹豬胸」 梁漢文：搞啲咁嘅嘢？
20180830
東網電視
更多新聞短片
沙律日前自爆曾被男藝人「鹹豬胸」，嫌疑人之一的梁漢文指對方造新聞。
藝人梁漢文（Edmond）、梁釗峰、黎曉陽及Nowhere Boys為慈善音樂會綵排，席上獲該機構主席送上感謝狀。Edmond受訪時，提到擁33E索爆身材的藝人沙律（張沛樂）日前自爆曾被男藝人「鹹豬胸」，同沙律演過床上戲的Edmond亦被視為「嫌疑人」之一，他聞言即相當大反應力洗「嫌疑」：「搞啲咁嘅嘢？唔答呢啲嘢啦！人哋小妹妹造新聞！唔好搞到我，唔答呢啲嘢！冇乜必要答！（被牽涉其中覺得好無辜？）唔答呢啲嘢啦！其實我用文字都答過，基本上我同佢拍嗰場戲完全都冇接觸，我都着好晒衫，得佢一個人攤喺床度。」
想去埃及影Cover
講到慈善音樂會，Edmond表示最近都參與不少慈善活動，而今次主力唱Solo歌，例如《七友》、《披頭四》，當中亦都會同其他歌手玩Crossover，問到會否同另一表演嘉賓兼好友蔡一傑一齊跳舞？他笑話寧願於台下睇表演：「依家佢都唔喺香港，嗰日先再見到佢，但就知佢之前去咗日本影Cover、錄歌。（如果係你，你想去邊？）埃及，少去啲嘅地方，有金字塔又有沙漠，我之前去法國影Cover都好有Feel。（去埃及唔驚水土不服？）之前都試過，會帶定啲食物同水去。」愛妻號Edmond又指平時出埠，如果老婆有興趣都會帶埋她順便於當地旅遊。
----------------------------
東網巨星開咗ig喇，大家快啲follow啦！