宋熙年生B仔!陳智燊反高潮:剪臍帶冇意義

20180831
東網電視
更多新聞短片
Sarah生咗喇!

藝人陳智燊(Jason)與33歲太太宋熙年(Sarah)的首個愛情結晶品已出世,Sarah前兩日剖腹產子,並已出院,現時於家中休養。初為人父的Jason親自公布喜訊,難掩開心之情的他透露兒子出世時重6磅幾,生得十分可愛並且健康非常。

英文名自己改

問到是否似自己那麼英俊?他謂:「初時出世時我覺得佢似Sarah,不過依家睇睇吓都覺得似自己,啲朋友都話似我囉!」他又指未為兒子改名:「我諗住英文名會自己改,不過中文我唔識,所以再睇吓點先!(會否搵師傅改?)睇吓點先!」

談到Sarah開刀產子,問Jason有否入產房剪臍帶?他謂:「有呀!不過剪臍帶冇我想像中咁有意義,因為佢哋夾好晒,我就咁就剪,貪得意!」

現時母乳餵哺

講到Sarah與BB的情況,Jason表示母子平安,現時太太餵人奶,問是否請假幫手湊B及換片時,他謂:「唔係呀!我聽日都要拍嘢!Sarah嘅媽媽返咗嚟香港,所以有陪月,我媽咪都有陪佢,我會放心!(初為人父好緊張?)唔緊張,要放鬆心情,唔可以亂,不過真係好開心。」

今日《東張西望》亦公布了Sarah誕下麟兒的消息,並指她已回家休息,初為人母的Sarah指心情奇怪又開心,現正努力學習如何餵哺母乳。

----------------------------
東網巨星開咗ig喇,大家快啲follow啦!
https://bit.ly/2JjSVcr