為家人放棄戰車 方中信賣剩一架綿羊仔
20180831
東網電視
更多新聞短片
方中信嘆年紀大啦！
藝人方中信出席活動，向來熱愛電單車的他，更在現場與電單車合照。問到現在有否收藏電單車？他指以前自己都有電單車：「但近年都發生咗好多電單車嘅交通意外，女細老婆嫩，我已經賣剩一架綿羊仔用嚟買餸代步。（捨得呀？）始終匹數大嘅電單車，揸上手自然就手痕，手痕就揸得快就無謂。」問到囡囡有否詐型？他直言沒有：「其實就算買咗返嚟，依家都好少揸，始終年紀大，不過去珠海賽車場都有玩吓。」又表示太太莫可欣亦沒有詐型，因為知道他做事有分寸。
提到早前電影《陰陽路》編劇劉孝偉捲入一宗金錢糾紛案兼失聯，案件涉及款項一千萬港元，問到他有否留意此事？他說：「有呀，都係朋友轉發畀我睇。」還笑言：「唔型囉，呃得一千萬咁少。」至於早前有指他與容祖兒亦牽涉其中，問會否覺得畀人擺上枱，他直言：「如果我真係牽涉在內，就有簽合約，我都係受害者啦。」又透露不認識對方，認為對方此行為相當過份，又指對方從來沒有找其公司合作，亦笑言：「呃得咁少，我都唔會拍啲咁低成本嘅戲啦。」
----------------------------
東網巨星開咗ig喇，大家快啲follow啦！