新歌向網民反擊 宣美爆全家都係咁瘦

20180904
東網電視
更多新聞短片
宣美在新歌《Siren》講到有網民話自己太瘦,而她就在記者會上指其實全家都係咁瘦。

韓國女團Wonder Girls出身的26歲歌手宣美,去年以Solo姿態先後推出單曲《Gashina》及《Heroine》都取得很好的成績,歌曲唱到街知巷聞,而宣美今日就推出新專輯《WARNING》,下午在首爾舉行新碟發布會時,而她在主打歌《Siren》中就談及曾被網民話「樣衰」。

身高1.66米的她只有99磅,身形瘦削,而《Siren》的歌詞中就談及「太醜了」、「太瘦了,好嘔心」等網民的惡評,而此曲亦帶有向惡評網民的警告之意,宣美在記者會上談到其實全家人都是瘦底:「我成日都有講,唔只係得我瘦,我兩個細佬都好瘦,細佬有1.84米咁高,但都係得112磅咁輕,佢想食肥啲,但都係唔成功。」

宣美又指自己為了增肥,曾試過隔幾小時就吃東西,但還是無效:「咁講好似唔係太好,但我真係一食就出番嚟,可能係營養吸收唔到。」她強調自己從沒有刻意節食或減肥,為了健康,平時亦有食維他命。

她又有講到今次主打歌《Siren》是於兩、三年前還在Wonder Girls時就寫的歌:「當時因為Wonder Girls以樂隊形式活動緊,所以首歌唔太夾,呢首歌就一直留住。」談到有不少後輩歌手喜歡她及視她為榜樣,她就笑道:「可能係因為我形象比較親切,容易接近啦。」