朱慧珊唔驚亞視變數多：有動盪唔奇
20180905
東網電視
更多新聞短片
朱慧珊希望搞好新節目。
藝人朱慧珊現身亞視宣傳主持的新節目，她表示新節目採用直播形式，工作人員每日會搵一些新時事話題、較軟性的新聞，類似以前的資訊娛樂節目《今日睇真D》。問到她會否幫手搵料？她說：「可以，依家係工作人員搵，我會提議吓，或者試吓叫觀眾畀料，每日都有好多唔同嘢發生。」又指有與兩位前新聞之花周嘉儀和黃紫盈打招呼。
提到她早前與亞視簽下一年合約尚未完，對於亞視今年以OTT網絡電視復活，但近日又有高層調動，會否覺得好動盪？朱慧珊說：「我覺得亞視做一間咁大嘅公司，相信唔係容易嘅事，如發現問題，有動盪唔奇！最緊要老闆用心搞好，同事又支持。（有冇擔心？）自己冇擔心，做嘢係緣分，做到自己鍾意嘅節目，啱自己嘅，唔擔心啲乜，希望一路繼續搞好。」
----------------------------
東網巨星開咗ig喇，大家快啲follow啦！