鄭裕玲顧紀筠生日 閨蜜蒲頭合體慶祝

20180906
東網電視
更多新聞短片
好熱鬧!
圈中有唔少閨蜜團,講到最有分量嘅,一定唔少得有鄭裕玲(嘟姐)、顧紀筠、丘凱敏、劉曉彤 、宣萱、吳美珩等組成嘅美魔女團。呢日,嘟姐又約咗呢班鐵腳見面喇,不過今次就唔見吳美珩,嘟姐喺社交網晒相兼留言:「再來幾張昨晚聚會的相片,最後那個蛋糕不是送給我的,因 @koolooban(顧紀筠)也是9月份生日,這個是她的兒女所送的,很別緻!」原來佢哋呢次gathering係為咗幫同樣係9月頭生日嘅嘟姐(嚟緊9號滿61歲)同顧紀筠(9月1號已滿56歲)慶祝,相中見佢哋喺一間裝潢優雅別致嘅豪宅搞咗個Party,開香檳之餘,仲嚟個靚Cake大晒冷!合照中,位位靚女保養得宜,仲係同當年一樣咁省鏡!
壽星女顧紀筠都有喺社交網留言:「謝謝幾位好友昨晚美好的相聚,總是如此的自在開懷!祝Do姐生日快樂!身體健康!平安和樂!」另外,佢仲晒出多張蛋糕集郵照,其中一個由仔仔送嘅Cake仲相當有心思,集名牌手袋、化妝品、狗狗、鮮花於一身,相當搶Fo!
----------------------------
東網巨星開咗ig喇,大家快啲follow啦!