鍾嘉欣屋企生仔 王君馨：有專業人士接生
20180906
東網電視
更多新聞短片
王君馨（左圖右）戥鍾嘉欣開心！
34歲嘅女星鍾嘉欣宣布在家中為老公Jeremy 誕下細仔，恭喜晒！佢嘅好友王君馨向東網表示：「戥嘉欣非常開心！因為佢今次係喺屋企自己生咗個BB出嚟嘅，覺得佢好勇敢同埋犀利，哈哈！佢亦慢慢更加接近佢嘅夢想，因為佢好鍾意小朋友，好想生好多個。咁已經有一男一女湊夠個『好』字，真係好戥佢開心，又戥Jeremy 開心！祝佢哋一家人身體健康、平平安安、開開心心！」
問嘉欣老公有冇幫手接生？君馨表示：「我又唔知喎，但我諗佢想試一試一個喺屋企最natural嘅方法自己去生，咁一定有一個識得幫佢接生嘅人喺度，我唔知嗰啲叫醫生定係Birth mother…我唔知點叫，但總之有一個專業人士喺屋企幫佢接生，細節就唔清楚喇！」
而另一位好姊妹李亞男就表示：「唔知道詳情，淨係知佢生咗，事前已經恭喜咗佢，謝謝！」
----------------------------
東網巨星開咗ig喇，大家快啲follow啦！