揼本大搞！亞姐后冠權杖價值一千萬

《2018亞洲小姐競選香港賽區》將於10月7日舉行決賽，稍後會到佛山進行三日兩夜集訓，勝出的佳麗有機會到韓國集訓，與大中華賽區及海外賽區20位佳麗到馬來西亞馬六甲參加總決賽。亞視行政總裁何麗全在台上透露亞姐的獎金、獎品已獲得贊助商支持，亞姐后冠及權杖更價值1,000萬。

后冠貴過港姐

今年是亞姐30周年，亞視將落重本大搞，講到亞姐后冠權杖值1,000萬，價值比港姐更高，何麗全表示：「唔能夠比較。（曾志偉做唔做亞姐司儀？）傾咗兩句，你幫我問佢做唔做啦，我哋就虛位以待。（多位佳麗選過港姐？）唔緊要，仲好啦有經驗，好似好多歌星都參加過唔同比賽。（有佳麗疑似整容？）係咩，我地參賽標準冇呢樣嘢，佢哋內心有足夠信心就得。」

過百人報名

何麗全透露今年亞姐有超過100人遞表報名，約有15位佳麗先接受訓練，經過兩輪嚴謹篩選，最終選出10位候選佳麗。講到有份接受訓練的參賽者翟秋平對被踼出局感到不平？何麗全則說：「我哋見傳媒之前有初賽、複賽，經過篩選，同事揀咗呢10位，係有幾位冇入選，我哋都同佢講好需要幕前，都想佢哋成為同事，亞姐之後再同佢哋傾。（翟秋平覺得不受尊重？）我會問番同事，睇吓有咩不足。」