出埠挑戰底線 劉穎鏇食蟲騷身材鑊鑊甘

20180906
東網電視
更多新聞短片
劉穎鏇坦言每次出埠無綫都會要她在節目上挑戰新底線。

前港姐劉穎鏇(Tiffany)以休閒Look出席運動服裝品牌活動,講到最近經常出埠開工,她表示可以去好多地方好好玩,又指每次拍攝旅遊節目都會去到當地最有特色的地方參觀,汲取不同經驗。問可接受食當地「特別」食物,例如昆蟲?她即大爆曾被陳展鵬及何廣沛呃食蟲啫喱:「食咗落去即刻想嘔番出嚟!佢哋之後同我講驚咗,食落真係以為係啫喱!有其他重口味嘅嘢去遮蓋嗰種味,我本身好怕蟲,要我食埋就真係唔得,見到都會嗌住走。」

Tiffany笑言無綫給她的工作都是挑戰底線:「啲人成日話我畏高,但我係怕離心力,由細到大都唔敢玩過山車,但最近嘅《學是學非》、《搭上高鐵愛旅遊》已經過晒我嘅底線,大家以為過咗《學》韓國嗰集我變大膽,但其實係更加驚,已經知道嗰種感覺。」

問是否寧願於鏡前性感着泳衣亦不想挑戰離心力?Tiffany怕醜大叫好難揀:「當年選港姐着泳衣都唔係咁舒服,始終自己係保守啲,除咗去沙灘、游水另計,平時出街都盡量避忌,所以呢個真係好難揀。」


----------------------------
東網巨星開咗ig喇,大家快啲follow啦!
https://bit.ly/2JjSVcr