興奮到倒轉！李佳穎蘇梅考獲瑜伽導師證書

阮經天緋聞女友、台灣女星李佳穎近日趁住唔使開工，飛到泰國蘇梅島旅行，期間考獲瑜伽導師證書，開心即刻喺社交網晒出證書，同大家開心Share，佢留言：「六月初，開始投入一件喜歡的事；前天終於通過了課程考試。這張證書，竟然有想裱框、掛在牆上的念頭，因為考試好難...很努力才得到認可。掛著（着），疲憊時看到，會多一點力氣吧！」去得陽光與海灘嘅地方，又點少得水着靚相！李佳穎仲上載咗喺海灘做出倒立動作，着上簡約黑色比堅尼嘅佢，完美展現弗爆身材。

----------------------------

東網巨星開咗ig喇，大家快啲follow啦！