娃娃舜靠佢響朵!《都市閒情》7事你要知

20180911
東網電視
更多新聞短片
你又知唔知《都市閒情》7件事?

《都市閒情》陪伴大家26年,如果你1992年已經有小朋友,呢位小朋友已長大成人,成為社會棟樑。呢個節目內容主要圍繞時事、健康、烹飪、生活享受、藝術表演等元素,每集均會邀請不同嘉賓講解有關專題,名人、藝員或歌手訪問等。有網民講過要有common sense,就一定要睇《都市閒情》。

到底呢個節目創造過咩經典同人和事?你一定要知!

1.《今晚食乜餸》--秉承傳統,初由李曾鵬展女士(李太)擔任主持,不久加入李錦聯,李太於1995年移居外地後,聘用黃婉瑩(Annie)接棒。千禧年代,隨香港人逐漸注重健康飲食,英國註冊營養師陳國賓(Leslie)成為主持之一。

2.娃娃舜--原名黃宏舜,2001年9月7日一集「鬥戲連唱鬥一番」環節成為表演者之一。之後有喺YouTube回帶比賽片段,網民隨即因唱功獨特、台風出眾、表情豐富、體技驚人、造型MK等多種原因,追捧阿舜令佢極速上位。

3.安德尊--1995年轉投無綫電視至今一直擔任《都市閒情》主持,因經常同李錦聯合作,李錦聯過份整理儀容惹安德尊不滿並出言譏諷,安德尊又當眾踢爆李錦聯割雙眼皮,令李錦聯勁尷尬。雙方2011年更傳發生肢體衝突,傳遭無綫高層「照肺」。

4.不斷轉型--節目啟播初期以Live形式播出。1993年,《香港早晨》轉型為新聞節目,有關節目主持人轉至《都市閒情》。1997年,部門初現裁員潮,主持人楊瑞麟和鄭瑞芬被電視台以其宗教信仰未能配合節目流程,遭到即時解僱。隨後,節目時間亦縮減至每集45分鐘。

5.播出時間--現時逢星期一至星期五13:25至14:10在翡翠台播出。

6.過往主持--黃桂林、盧念國(故)、鄺佐輝(故)、楊瑞麟、曾近榮(故)、朱維德、傅劍虹、黃子恆、羅貫峰、朱滙林、朱敏瀚、李琳琳、趙學而、劉文娟、陳寶儀、譚淑梅、鄭瑞芬、余文詩、溫裕紅、鍾沛枝、譚小環、黃宇詩、羅敏莊、劉錦玲、江芷妮、鍾淑慧

7.現任主持--安德尊、章志文、蘇晉霆、張景淳、焦浩軒、宋芝齡、林淑敏、姚嘉妮、劉彩玉、彭慧中