翻版JM大野心！23歲劉海琦視祖兒為目標

現年23歲的劉海琦（Heidi）去年入行做模特兒，因樣子甜美及貌似Janice Man（JM），故常成為展覽活動的紅人，最近更被娛樂公司賞識簽約成為藝人。問到簽了經理人公司是否打算有更大發展？她表示：「係呀，我一向都好鍾意唱歌，能夠成為歌手都係自己心願，所以最想可以喺唱歌方面發展，都想接電影、廣告等工作。」講到她貌似Janice Man，她表示都多人話她似對方：「依家嘅經理人都話我似，我本身都好鍾意佢咁多才多藝，所以有人話我同佢相似，我自己都好開心！」

問到哪個歌手是其奮鬥目標？她坦言：「我最欣賞嘅係容祖兒，如果有佢一半嘅成就我已經好滿足！我由細開始聽佢嘅歌，到依家都一樣咁好聽，好有實力！唱live同CD完全一樣，跳舞又勁，紅咗都仲好貼地！」