林泳淘小背心引網民　肥媽：佢飲得奶多

藝人肥媽（Maria Cordero）與胡諾言（胡仔）、林泳淘、林子博、黃美棋、游莨維（Joe）及林伊麗，齊現身為一連十集的節目《大灣區 活好D》宣傳，席間邀請台下觀眾上台玩遊戲炒熱氣氛！其中主持肥媽、胡仔及林泳淘，於活動後一同受訪，至於陸浩明（6號）則因工作未能出席。講到林泳淘近期於節目《東張西望》頻頻以小背心出鏡，其「逼爆」身材引來網民熱烈討論，又被「投訴」指會令人放錯「焦點」，肥媽聞言即為林泳淘護航：「有就怕咩逼啫？都話佢飲得奶多，有身材點解唔畀人睇啫？係咪呀？咁樣嘅年紀唔畀，幾時畀？又唔係冇着衫，畀少少睇好啦，逼爆畀佢哋諗！」當事人林泳淘感謝肥媽幫手解圍，又指每次講到呢個話題都會好尷尬：「但出去做嘢真係好熱，之後可能會加番外套。」

提到《大灣區 活好D》主要帶大家於粵港澳大灣區內吃、喝，玩、樂兼四處睇樓，曾自爆拍攝期間即場「扑槌」買樓的肥媽再爆原來Joe都有份買：「我買一層，佢又買一層，本來都冇諗住買，但佢平畀我唔即刻買呀？（要買畀15個孫？）買咗3幢啦，努力中！喺當地買咗嗰層都升值咗15%。」身旁的林泳淘勁葡萄話都好心郁郁，至於胡仔就話要先儲錢，即被肥媽截住繼續爆：「佢啱啱先喺香港買磚頭，喺香港喎！」搞到胡仔招架不住，細細聲表示是買畀屋企人，而他們都不約而同話有推介當地物業給親戚。提到食方面，三位就滔滔不絕講不停，胡仔話最深刻當地都有不少健康食品，以及好有人情味，問到可會帶同家人一齊再去？他表示一定會。

----------------------------

東網巨星開咗ig喇，大家快啲follow啦！

　https://bit.ly/2JjSVcr