馬國明見家長過關 黃心穎等啱時候先結婚

20180915
東網電視
更多新聞短片
心穎話自己係孻女,所以父母對佢特別緊張。

藝人黃心穎近年擺脫花瓶角色,戲份愈來愈重,感情上亦遇到無綫第一筍盤馬國明。二人在劇中名正言順談情說愛,現實雖然從未承認過戀情,但講起「男友」時,心穎亦「自動波」代入馬國明,唯一令她介懷的是被指「姣Wing」倒追,她坦言:「呢個唔係事實!」

黃心穎早前在無綫重頭劇《宮心計2深宮計》中演女史,愛上將軍馬國明,二人在現實中亦是情侶,戲內戲外都可談情,問到是否被刻意安排成一對?她澄清接角色時,仍未有緋聞傳出,二人從未承認或否認戀情,但不會封口不提對方。心穎自言感情事不需要交代得太清楚:「做藝人感情事冇得唔講,因為一定有人問,禮貌上你都要答,你唔答得幾多次呢?」

爆喊助入戲

馬國明除了是其男友,在工作上亦幫了她不少,她透露劇中有場喊戲自覺拍得不好,後來因服裝問題需要補拍:「導演問我補拍有冇信心,機會唔係成日有,但只得一個鐘拍,嗰場戲對手就係馬國明。佢好投入角色再去幫我,佢先拍完要喊嘅鏡頭,再補拍我嘅大頭,但係佢為咗幫我入戲,就喺我面前喊多次!」

這對真實情侶在劇中愛得悽慘,問到可有影響二人關係?她笑說:「有人話我拍呢個角色唔難,只係投入本身嘅感情,但係我覺得難啲喎,因為現實同拍劇都不同。(影響你哋感情?)冇,可能我仲未係好代入到,我分得到拍戲同現實!」

為噱頭做新聞

與馬國明撻着前被稱為「姣Wing」,心穎直言起初會介意,但明白到有爆點的新聞才值錢,逐漸調整心態。對於被指倒追馬國明,她直言不介意,亦不是事實:「其實唔係真都會寫,因為銷量會好啲嘛,依家唔會點影響到我!」

父母要求高

心穎有三位姐姐,大家姐是ViuTV節目主持黃心美,所謂孻女孻心肝,父母對心穎特別疼愛,對其伴侶更特別嚴格:「佢哋會嚴啲、特別挑剔,可能三家姐嘅另一半同我嘅另一半差唔多時,佢哋會對我嗰個要求高,以前感覺到、睇得出佢哋會咁。(對馬國明評價?)冇特別講,但我覺得OK,係接受嘅!」更笑指姨甥在電視中見到馬國明時,會指着電視叫「Uncle」,至於家人有否催婚?她直言沒有,可能是不捨得讓她離開家中,而自己亦不急於結婚。

沖涼戲𥄫仔

由於事業屬起步階段,心穎希望每接一個角色都發揮得更好,故從未想到要結婚,她說:「自我要求高,希望每件事都可以做好啲,呢兩年機會多咗,我滿足但唔自滿,想每次都畀人覺得我有更努力做好每件事!」

談到拍劇點滴,她笑指蕭正楠與馬國明有一場在河邊沖涼戲份,令她有機會「(目及)仔」,她笑說:「其實佢哋一早知有呢場戲,一直好辛苦去Keep身形,但場戲去到就嚟拍完先拍,雖然係講我哋一班宮女偷望佢哋沖涼,但其實我哋係分開拍。我係唯一睇到佢哋拍嘅!(睇馬國明?)唔睇佢啦,睇其他人!」

後記:硬淨孻女欠圓滑

身為家中孻女的心穎,不似溫室長大的小花,反而是個硬淨的女孩:「我唔會畀人蝦㗎,有咩唔鍾意我都會講,畀人話做人唔夠圓滑,但係我覺得唔係人哋講咩你就做咩!父母好錫、好保護我哋,畀到嘅都會畀,但係教我哋要知足!」

化妝:Herman Ng
髮型:Steve Shek@HAiR

----------------------------
東網巨星開咗ig喇,大家快啲follow啦!
https://bit.ly/2JjSVcr