【生B後首復工】陳倩揚呻被老公冷落
20180915
東網電視
更多新聞短片
陳倩揚（左）產後首度公開亮相，同梁嘉琪去做義工。
藝人陳倩揚與梁嘉琪到旺角做義工，為該區長者送上月餅迎中秋。倩揚於七月誕下囡囡Aurella後首度公開亮相，見她身形Fit了不少，同場的嘉琪指她已瘦了足足兩個圈，倩揚則透露有紮肚及Keep Fit：「都紮咗兩個星期，每日紮六到八個鐘，總算就快完成啦！不過要餵人奶，希望之後邊湊仔邊收身，最緊要保持心境開朗。」
兩個仔對妹勁熱情
問兩個仔是否很愛錫妹妹？她說：「兩個都好鍾意妹妹，一放學就搵妹妹。可能異性相吸，二仔出世時哥哥都冇咁熱情，見到佢哋三個手足一齊成長係開心嘅。（老公搵你定搵囡囡先？）提起我啲傷心事！佢話係幫手湊怕我辛苦，但佢都由放工湊到瞓覺，我就有時間幫仔仔做功課。」
梁嘉琪帶活力畀長者
提到派月餅給長者，嘉琪望將活力帶給公公婆婆，笑說：「我都仲算後生！希望帶到活力畀佢哋啦！今日有500位義工同時參與呢個活動，我哋做到其中兩位，覺得好有意義。」而倩揚透露將會帶大仔到台南做義工，問二仔會否投訴？她笑說：「未同佢講住，我諗佢會明白，哥哥都二年級，希望佢可以接觸多啲。」
----------------------------
東網巨星開咗ig喇，大家快啲follow啦！