【山竹襲港前夕】江美儀約周潤發行山兼拜師

20180915
東網電視
更多新聞短片
江美儀趁「山竹」未到香港,約埋周潤發行山。
超強颱風「山竹」步步逼近香港,1號戒備信號現正生效,不過暫時天氣仲好風和日麗,所以藝人江美儀都去咗行山,仲約埋「山界之王」周潤發呀!見佢勁興奮咁上載同發哥自拍,留言:「今次重(仲)唔輪到我,有高人指點行山慢跑係唔同既(嘅)!打風前天氣真係一流,陽光普照微風陣陣,好爽呀!」佢仲標籤咗「我行山師傅係發哥」,呢個機會真係唔係人人有,網友紛紛話好想拜發哥為師,跟佢一齊行山呀!
方力申照教游水
另一邊廂,藝人方力申都趁未風雲變色,喺室外泳池教小朋友游水,佢分享咗幾張合照並留言:「好彩仲未落雨...」見到個小朋友跟方Sir學游水咁開心,網友都話想學埋一份!
----------------------------
東網巨星開咗ig喇,大家快啲follow啦!