全城抗「山竹」!林峯熊黛林鬥貼防風膠紙

20180915
東網電視
更多新聞短片
貼防風膠紙…都係一門學問…

被喻為20年一遇嘅超強颱風「山竹」逐漸逼近本港,不過藝人馮德倫似乎未擔心過,佢喺社交網上載一張影住家中貓貓望出窗外嘅相,見佢咩防風措施都未做,仲表示等待風暴嘅來臨,即令老婆舒淇忍唔住留言叮囑:「讓他們快點做好防風措施,不要一天到晚看風景。」

其實唔少藝人已經一早做好準備,不過佢哋每個對貼防風膠紙都有各自嘅一套,好似歌手許廷鏗(Alfred)咁,佢就採用咗最傳統嘅米字型貼法,仲表示:「聽說是最有效的圖案!」至於名模熊黛林(Lynn)就嚟個升級加強版,喺米字嘅兩側再貼上膠紙,認真夠穩陣!

除咗呢啲保守型,都有比較特別嘅貼法,歌手陳慧嫻就將米字型中間嘅直線去除,不過佢就似乎對呢個貼法冇乜信心,表示:「已經做好防風措施了!等等...咦...米字中間嗰『丨』 呢!」而藝人林峯就搞搞新意思,見佢喺窗上貼咗一個小型十字,並留言:「山竹要來了,阿姨說已幫我為門窗做好防風準備,回到家一看,怎麼感覺怪怪的……」

不過有部分藝人就把握暴風雨前夕嘅機會,好好享受下好天氣,藝人李蘊就帶埋囡囡一齊去玩水,並表示:「暴風雨來臨前夕,和陽光玩玩遊戲。」而李彩華就晒出一張滑水相,留言:「暴風雨前的寧靜。」