嚇到面青!BOYZ遇癡情跟蹤狂

20180915
東網電視
更多新聞短片
BOYZ遇上癡情跟蹤狂!Steven(左下)嚇到面容扭曲。

藝人關智斌(Kenny)跟張致恒(Steven)再次合體組成BOYZ,二人開騷在即,騷前將其經典歌曲《跟蹤你》重現眼前,更請來同門師妹許靖韻‌(Angela)擔任新版女主角。其實原裝MV是講述一個暗戀女仔的故事,講述BOYZ跟蹤暗戀對象,暗地裏對她呵護備至,而新版MV則完全相反,Angela的角色反跟蹤BOYZ,戴上假髮、玩變妝做跟蹤狂!嚇到Kenny和Steven面青青,最後更忍不住質問Angela,才發現原來Angela是他們的忠實粉絲。

大讚小師妹

重溫《跟》,令十五年前的回憶返晒嚟,Kenny表示:「都真係幾開心,因為同佢(Steven)一齊冇乜壓力,一齊做嘢得來又好似一齊去玩咁,好有情懷。」對於Angela這個小師妹,二人說:「小師妹好專業又準時,佢特別揣摩咗呢個角色,特登拎個假髮過嚟。之前一晚Angela同佢Daddy喺屋企梳好個假髮,但唔知點解去到現場嘅時候,假髮成日變成中間分界,於是Angela無論喺大街小巷、有幾多人望住都好,佢都攞把梳出嚟梳,所以最尾決定喺個鏡頭加上佢梳頭嘅動作。」讚完師妹,話口未完就踩Angela,他們說:「佢雖然冇原版嘅女主角咁溫柔,但係佢嗰種傻勁帶出咗另一種詭異嘅感覺,哈哈!我哋真係好鍾意佢,佢真係好得意。」