「山竹」意義非凡!卓韻芝老公怕醜錫錫

20180915
東網電視
更多新聞短片
「山竹」雖然強勁,不過卓韻芝同老公打風都打唔甩~

才女卓韻芝(阿芝)和老公梁子賢今日正式拉埋天窗!二人在派對場外接受訪問時,現場記者起哄叫一對新人錫錫,但他們表現害羞,最後梁子賢借位扮錫阿芝面珠。訪問期間,阿芝首次以「老公」稱呼對方時表現興奮,她笑言:「咁大個女未試過咁叫!」對於颱風「山竹」襲港,她說翻查資料,得知「山竹」意義非凡:「有留意呢個風向,去搵『山竹』係咩植物,跟住發現原來『山竹』又名『夫妻果』。今晚呢個Party係朋友嘅Gathering,所以想有多啲時間同朋友傾吓偈、Selfie吓,長輩們食完嘢會返屋企先,請咗大約二百個賓客,要多謝嘅人好多,但場地有限。」她續說由於老公設計請柬時以綠色為主色,故派對也以綠色貫徹主題,放了不少植物,認為綠色更有和平、環保等訊息。

婆婆偷練簽名

雖然新郎表現緊張,但阿芝說自己剛才在派對致辭時也一樣:「唔止佢(老公)怕醜,我有咁多年上台經驗都緊張。頭先上台我有喊,個腦一片空白,完全醒唔起第一句講咩!唔止佢緊張,我都緊張,佢係一個比較低調嘅人,而婆婆未到佢講嘢時,已經重覆話好開心,因為佢係證婚人要簽名,我見佢呢個禮拜偷偷哋練簽名!」她續說日前已設宴擺酒,更笑言婆婆因掛住打麻雀,差點忘記斟茶這環節:「當佢聽到要斟茶時,我未見過佢行得咁快!」問阿芝何時造人生B?她說:「暫時未諗,因為我依家個腦一片空白、順其自然,大家有工作,做完嘢先去度蜜月。」