估你唔到!鍾嘉欣郁身郁勢唱《十個女仔》

20180915
東網電視
更多新聞短片

近日熱播嘅無綫劇《再創世紀》,當中有唔少實力派演員坐鎮,包括郭晉安、林文龍、林嘉華、楊怡等,仲有客串嘅靚媽鍾嘉欣,大家都高呼正爆,仲大讚已為人母嘅嘉欣都仲係咁有氣質,當中佢同文龍嘅感情戲,亦非常溫馨動人!

無綫TVB Facebook專頁分享一段嘉欣拍《再創世紀》等埋位時嘅花絮片,當中嘉欣仲開心到唱歌仔,相信大家估都估唔到佢唱咩歌呀!佢就係唱許冠傑啲經典歌《十個女仔》,片中見到佢先嚟個輕鬆版本唱「十個女仔,九個浪費,明明係老,佢話唔係!」唱到手舞足蹈,好似喺度rap咁,簡直興奮爆!

之後佢再嚟個悲情版本,個髮型師邊幫嘉欣set頭,嘉欣邊好煽情咁唱「十個女仔,九個浪費,明明係老,佢話唔係!」之後佢仲要crossover啲歌詞「身光頸靚,紮起辮仔,錢亂咁揈,唔顧身世!」唱到每個音都拖長,場面搞笑!好多網民都話嘉欣夠搞笑,仲話估唔到呢首咁經典嘅歌曲佢都識,又真係估佢唔到呀!唔知佢平時係咪都會唱畀囡囡Kelly聽呢?


網民有話兒:

SDXX BXXV:好掛住嘉欣呀!佢真係好靚呀!

PCXXISXX:估唔到嘉欣連《十個女仔》都識唱,好勁!

CALXXX YIXX:嘉欣唱得好搞笑,正爆!

AMISXX KXX:好耐冇聽佢嘅歌聲喇!