山竹襲港 鄧鉅明唔怕冇飯開

20180915
東網電視
更多新聞短片
鄧鉅明孖住鄧太出席活動。 

太子珠寶鐘錶集團主席鄧鉅明出席活動,講到超強颱風「山竹」襲港,佢話原本聽日有地方去玩都要取消:「聽日原本同班朋友去入馬場,諗住執番多少,入馬場就最開心,輸錢當做善事,贏咗就擺喺銀行多啲錢。」

鄧鉅明話聽日留喺屋企,因為住喺西九,所以冇屋企冇飯開都唔成問題:「樓下有兩間酒店,有咩事都有飯開。」咁打風靜靜哋喺屋企,咪可以同老婆兩人世界?鄧鉅明明笑笑口話:「通常靜靜哋嘅時候,太太都有好多問題。但其實聽日都係覆番過去嘅WhatsApp,同埋清吓啲報紙。」

鄧鉅明話平時太太會同佢行街,睇吓佢張信用卡仲用唔用到,佢就話聽日好放心:「聽日冇嘢行,頂多喺去超級市場同食飯。」