「山竹」打到嚟 阿Sa 6號抗風嗌恐怖

20180916
東網電視
更多新聞短片
今次「山竹」真係冇得輸……

超強颱風「山竹」襲港,雖然唔少藝人一早已經做好防風措施,不過始終難敵強勁風勢。藝人蔡卓妍(阿Sa)喺社交網上載咗一段短片,喺屋內避風嘅佢影住出面露台嘅情況,見有部分盆栽已被吹倒喺地上,阿Sa仲留言表示:「好大風呀媽咪,隻窗不停Bom bom聲,窗縫不停foo foo聲,令我諗起『咆哮山莊』,大家記得留喺室內呀!!安全安全」佢仲話屋企嘅膠紙用晒,所以惟有頂住先。唔少網民都留言叫佢小心,而吳日言就笑指:「張膠紙好似弱咗啲。」

至於藝人陸浩明(6號)都有發文,指屋企大風到左搖右擺:「好恐怖!!從來未試過。大風到我feel到間屋左右不停搖,好似坐船咁好驚嚇。大家一定要小心啲,留喺安全地方。」