【娛場】怪誕25 阿Jack反轉迪士尼

20180916
東網電視
更多新聞短片
添布頓名作《怪誕城之夜》上映25周年,樂園特別開設全新詭魅體驗館「怪誕城之旅」。
荷里活大導添布頓(Tim Burton)嘅電影作品,相信係好多人杯茶,《幻海奇緣》、《大魚奇緣》、《怪誕復活狗》,部部堪稱經典。其中1993年嘅《怪誕城之夜》(The Nightmare Before Christmas)更加係唔少人心目中嘅至愛。今年適逢係呢套經典萬聖節動畫上映25周年嘅大日子,迪士尼樂園年度「Disney Halloween Time」特設名為「怪誕城之旅」嘅詭魅體驗館,戲中角色阿Jack、縫布公仔莎莉(Sally)、邪惡大壞蛋Oogie Boogie同其他怪誕城嘅居民都會出現,《怪誕城之夜》嘅粉絲絕對不容錯過呀!至於一眾迪士尼「惡人」,包括阿Jack、黑巫婆、烏蘇拉、邪惡皇后、巫師賈方、虎克船長、紅心皇后同庫伊拉等,都會喺「迪士尼惡人大出巡3.0」中現身美國小鎮大街!究竟有幾好玩?即刻去片啦!