稱職姨媽！倪晨曦孖妹妹一家遊加國幫手湊女

相信有睇開IG女神倪晨曦（Elva）嘅Youtube channel都知，Elva不時分享化妝同旅遊片，段段都咁正，難怪吸引唔少網友支持！而向來鍾意周圍飛嘅Elva，近日就同妹妹一家人去咗加拿大魁北克。原來呢個地方對Elva同妹妹都分別有唔同意義，皆因原來呢個地方係妹妹同老公一齊拍拖過嘅地方，而Elva第一次係同爸媽一齊嚟，所以佢哋重遊此地，希望搵番當年嘅回憶。

嘩！個trip咁開心，Elva當然就喺網上開心share啦～短片中見到Elva湊小朋友湊得好Easy，幫手餵晒嘢食咁，難怪兩個姨甥女都咁鍾意佢，黏到佢實一實，鍾意到唔捨得放手，唔怪得妹妹都大讚佢係「稱職嘅姨媽」。見到佢哋仲食咗唔同美食，一大碟pizza 、意粉同甜品，唔怪得一班網友都話佢今次一定可以增磅，事關Elva太瘦，成日都畀網友笑佢會畀大風吹走。

不過話晒帶埋小朋友去旅行絕對唔簡單，每個地方都要諗得好周詳，而Elva妹妹就plan好晒早午晚三餐，所以Elva都話個旅程咩都唔使諗，舒服到爆！之後仲見到Elva展現佢「力的表現」，手抱住其中一個姨甥女行街，不過行咗冇幾耐，佢哋去咗餐廳食嘢，似乎Elva呢個旅程食到停不了呀！唔少網民睇完片都大讚佢兩姊妹感情好，仲話好難得妹妹結咗婚都仲可以一齊出遊，對佢哋嚟講一定係最美好嘅時光呀！

網民有話兒:

VICZXX NCXX :好喜歡你和你家人在一起的視頻。

TYUIDC QASCCX :The beauty gene runs in the family!

GICXX MMX :大風啲都會吹走佢呀!

WIOPXX ASXX :對佢哋嚟講一定係最美好嘅時光!