50年謎團解開！《芝麻街》兩布偶角色係同志

美國經典布公仔兒童節目《芝麻街》（Sesame Street）首播至今經已有49年，節目中的角色如大鳥（Big Bird）、艾蒙（Elmo）、 伯爵（The Count）以及餅乾怪獸（Cookie Monster）等相信好多人都認識。其中畢特（Bert）同恩尼（Ernie）更一直被傳係gay couple（同性戀情侶），而謎底終於解開！

1984年開始加入《芝》大家庭的編劇Mark Saltzman接受訪問時證實佢哋係同志情侶！而本身亦是同志的Mark更指兩個角色嘅關係係根據佢同男友電影剪接師Arnold Glassman的關係寫成，他是恩尼，男友就是畢特。

編劇驚爆畢特同恩尼係同志之後，《芝麻街》工作室的發言人即否認：「以我哋一直嘅說法就係畢特同恩尼係好朋友。佢哋被創作係用嚟教育學齡前兒童，人係可以同嗰啲與自己截然不同嘅人成為好朋友。儘管佢哋被確定為男性角色並且具有許多人類特徵同性格（與大部分《芝》布公仔一樣），佢哋始終都係布公仔，冇任何性取向。」至於《芝》著名布公仔師法蘭奧茲（Frank Oz）亦為角色解畫指兩個角色非同性戀者，他亦認為無需要分辨角色係咪同性戀者。