森美用手擋木櫈 順便幫黃翠如整容！
20180920
東網電視
更多新聞短片
森美拍場戲要用手擋木櫈，令木屑周圍飛，仲飛咗入黃翠如隻眼度！
藝人森美、黃翠如到將軍澳電視城出席新劇《過街英雄》拜神，第三度拍劇的森美自言是戲份最多的一次：「好似好多戲咁，其實係睇翠如開工，我就可以返屋企先！」翠如指因為森美在電台另有工作，因此會為他頂替早晨的通告。
誠實自爆中間有替身
森美與翠如在劇中同樣動作連場，翠如更從二樓飛落街！問到有否受傷？翠如說：「打到左半邊身好痛囉！其實中間有替身，我唔講大話㗎！」森美早前拍攝一場用手擋木櫈戲時，木屑周圍飛令翠如眼睛遭殃，她說：「劇組話唔可以捽，開頭痛，然後濛，之後冇乜嘢，係隻眼大咗！」被森美取笑是「開眼頭」。
太太打風都叫佢開工
而森美亦撞傷膊頭及扭傷手，動作連場自誇獲武指讚賞：「佢話唔好做太好，唔係替身冇工開喎！（太太冇投訴？）佢打風都叫我開工，睇怕退休都唔可以返屋企，要喺公園坐先掂！」
----------------------------
東網巨星開咗ig喇，大家快啲follow啦！