又關秦煌事?楊怡自爆爭啲錯手殺咗人……

20180920
東網電視
更多新聞短片
秦煌真係福大命大…

藝人郭晉安(安仔)和楊怡(阿怡)為新劇《再創世紀》到社區中心與一班長者迎接中秋,安仔稱因劇集在內地播畢效應下,他中秋會返內地商演,劇中演太太的阿怡笑話:「仲乜唔帶埋我呢個『老婆』去商演?」安仔亦妙回:「搵錢梗係『老公』做啦。」但阿怡亦自爆剛從濟南商演回來。

講到《再》劇在內地已播完,亦已知劇情結局,可擔心影響香港的收視?安仔稱不擔心,喜歡這套劇的人必定會繼續看。說到安仔結局好慘腦中風?他笑言:「戲入面係好慘,但現實就好好,不過就差啲畀阿怡扑傻,佢嗰次攞起以為係道具嘅木想扑我,但其實係真木,但佢就扑咗自己個頭一下,任何一樣嘢拎喺佢手,可就算係蕉都有危險。」在旁阿怡就狂笑,並自爆原因:「差啲錯手殺咗秦煌!」她謂當年拍《布衣神相》,她等埋位沒事做,便拿着道具劍對着布景後的麻包袋亂插,插插吓期間見到麻包袋旁有一個漲了出來,原來是秦煌在瞓覺,凸了個肚腩上來,剛巧又穿麻布衫,她差一點就插了落秦煌的肚上,險釀成娛圈奇案。

另外,又講到網民指劇中的證券交易與現實有出入?安仔稱:「呢啲咁複雜嘅嘢,我都係照稿讀唔敢亂加上去。多謝網民咁細心去睇,唔介意資料上嘅訊息,大家畀多啲意見嘅。」