告別大肚腩!On仔為乜堅持操爆肌?
近年唔少男星都積極狂操練大隻,其中組合C AllStar成員陳健安(On仔)亦係數一數二嘅「肌男」之一。呢日佢突然有感而發,喺社交網紀錄佢嘅「肌肉練成記」,佢分別晒出多張操肌前後嘅相,相中見佢由大肚腩練到胸肌、六舊腹肌樣樣齊,實在花咗唔少努力。

佢留言表示當失意嘅時候,睇番呢啲相就會有動力繼續前進,佢文中提到:「總有些時間會感到失落,總歡喜挑剔自己的過去,然後自責或問責,這感覺又來了。然後回看照片,手指每撥一下向左,都提醒着我,當初都是一步一步走出來的。這一刻若你感到迷失,有事情讓你喘不過氣,不要急,回到起點,找一找腦海最純粹最渴望的畫面,再困難再累也要繼續找呀,不要被量化無趣的社會磨蝕靈魂。查一查日記,看一看備忘錄,那封塵但熱血的想法們正在向你招手。肌肉和夢想一樣,都藏在皮膚下,等你去呈現。」