催生個豬BB!陳爽爆朱璇長居北京

20180923
東網電視
更多新聞短片
真係唔返香港喇?
藝人陳爽早前參加好友朱璇在比利時舉行的婚禮,今日陳爽與丈夫現身活動,講到朱璇低調結婚,她說:「佢好低調,只有少數朋友知。個婚禮好感動同浪漫,參加咁多個婚禮,最輕鬆係今次,佢話我係姊妹,但冇任何工作,唔使玩新郞,唯一任務係着靚靚出席。」陳爽的一對子女有份擔任花童,她指兩人表現乖巧:「細女第一次做花童,初時都有啲擔心,佢未夠兩歲,好在有大仔傍住佢一齊行都ok。我哋今次去咗八日旅行,大仔話最開心係參加婚禮行紅地氈,因為覺得gel到個頭好型。」
陳爽稱之前已見過多次朱璇的丈夫,大讚對方:「佢係個好男仔,好值得託付終身。」她又透露現時朱璇長居北京,問到對方是否放棄幕前工作?她坦言不清楚:「佢好鍾意演戲,佢係演藝學院出身,佢係咁多朋友之中對演藝最執着嘅一個,不過佢依家選擇咗結婚,但將來點唔知,我希望佢快啲生個豬bb。」