仲唔夠靚？孫藝珍恨有童顏：希望科學更發達

韓國女星孫藝珍與型男玄彬合演的犯罪題材韓片《協商》上周三在韓國上畫，片中玄彬飾演極度兇狠的綁匪，孫藝珍則飾演談判專家，在泰國曼谷綁架人質事件中與玄彬展開12小時的對決。

而孫藝珍近日接受韓媒訪問，談到今年算上《協商》，已經有三部作品跟觀眾見面，她坦言怕觀眾會睇厭：「我驚有人會話『點解又係佢？呢套又係幾時拍㗎？』，冇辦法唔擔心，但好彩三套作品都係唔同嘅感覺，好彩唔係同時有相似嘅角色出現。」孫藝珍又指面對不同角色，她都不會有恐懼：「我喜歡新挑戰，喺眾多角色之中，當然會有比較適合我嘅，但我唔清楚，只係抱住『試吓啦』嘅心態。」不過孫藝珍就坦言拍完《協商》後，有擔心過自己不適合警察角色。

今年36歲的她，經常獲讚幾時都咁靚，對於這個讚賞，她就表示：「因為我嘅職業係要畀人睇，所以我都諗住無時無刻都要保持住最佳狀態，我自己就好感受到同以前嘅唔同，女演員見面時都會討論皺紋嘅問題，平時要Keep住做運動、做管理同去皮膚科，有時都會諗好唔好借助整容同做手術嘅力量，但點努力都係唔可以擁有20幾歲嘅樣，呢個係講唔過去嘅，但我都有盡晒力，希望將來科學可以更發達啦。」

而孫藝珍今午就現身首爾城東區的戲院，與玄彬一起出席謝票活動，同影迷近距離見面。

另外，今年與孫藝珍合演韓劇《經常請吃飯的漂亮姐姐》的新一代男神丁海寅，在9月男代言人品牌信譽榜中稱冠，擊敗排第二及第三位的朴敘俊及元斌。