可嵐7歲仔仔怕醜遮面萌到爆

藝人可嵐今晚帶同七歲大的仔仔Eugene，出席賀中秋活動，知照時Eugene怕醜不停用手遮面，相當可愛！同場亦有可嵐剛簽下的樂壇新人吳淦軒（Hennes），二人一同受訪，講起中秋正日活動，可嵐話二人工作至晚上，即趕回家同仔仔一齊去買兔仔燈籠再到屋企附近放電：「佢都有帶出嚟玩，帶埋佢嚟感受吓廟街嘅氣氛。而我哋住新界條村都會放炮仗、開壇慶祝。」

驚去廁所唔敢飲水

講到可嵐前往蒙古三星期拍攝電影，她後悔指太睇少天氣情況搞到發燒，問到當時可有想即刻回港念頭？她笑話想都回不了，由香港去到拍攝場地又要搭飛機、又要14個小時搭車，認真周車勞頓！可嵐又指雖然蒙古環境好靚，但低頭一睇全是牛糞，而且最難忘是不能沖涼及去廁所：「最多頂到兩日冇沖涼，忍唔住用自己帶去啲濕紙巾抹身。（冇廁所點解決？）營地係有嘅，但啲拍攝場地距離營地又45分鐘，嗰啲地方就一望無際都係草，遮唔到，避去廁所都關令我發燒事，因為我唔敢飲水，好多人見我病都叫我飲多啲水休息，我唔係唔想飲㗎！」而解決方法就是忍到夜晚，全黑環境之下叫助手幫睇住，再用車遮住去廁所，會想同仔仔去體驗？可嵐笑話都想，但會以遊客身份，就會較好。

身旁的Hennes透露都有份參與該戲的香港部分拍，興奮指是首次參與電影拍攝：「都幾緊張，做新人有好多嘢要顧，例如演技，但聽師姐講呢套係講英文，唔知香港部分係咪都要講，要早啲練習。」

----------------------------

東網巨星開咗ig喇，大家快啲follow啦！

https://bit.ly/2JjSVcr