同仔仔Say Sorry!千嬅唔捨得係…

20180926
東網電視
更多新聞短片
楊千嬅話下次要問准仔仔先拍劇。
歌手楊千嬅到將軍澳出席劇集《多功能老婆》煞科宴,她表示受超級颱風山竹影響,尚有一組戲要拍:「要拍多1日,有4場戲,我仲要排10月3日同杜德偉嘅騷,好趕。有少少唔捨得,未試過拍5個月咁耐,我記得5月7日開機,朋友以為我去咗拍70集長劇。」她形容過程辛苦但開心,自己很少拍攝以女人為出發點的劇集:「好多情緒、好攰,有一日要拍好多慘戲,喊足4個鐘,喊到唔知自己做乜,眼都腫晒,做唔到戲!」提到拍劇中途要去拍電影,她認為拍這套劇是個很好的訓練:「一去就Action,唔使熱身!(下次仲拍唔拍劇?)睇吓有冇事先,可能人哋唔搵我呢!」
她笑言下次要問准兒子,因為自己在暑假沒機會陪對方,但慶幸認識到好演員及好編劇,拍完就覺得問心無愧,而劇集可能明年才播:「阿仔好失落咁開咗學,佢話以後佢拍戲,我留喺屋企,我諗咗陣就同佢講Sorry。(點補償?)其實今次係好機會話畀佢知每人都有工作,佢將來都有,不過我之後安排時間會好啲,今次真係成個月見唔到。」她感激老公丁子高照顧兒子,笑言對方很擔心自己:「佢驚我成個人飄走咗,但飄返嚟就冇力。其實屋企支持咗好多,我辛苦但有滿足感。老公成就呢件事但冇哦我,由得我飲凍嘢。佢做唔到其他嘢,淨係可以陪我同陪個仔,依家開咗學好多家長活動。」
----------------------------
東網巨星開咗ig喇,大家快啲follow啦!