冇時間陪仔同老公！許秋怡掛住北上...

藝人許秋怡出席活動，她表示之前去了內地登台十幾場，明天又要去重慶，直至10月頭才會回港：「一直都好忙唔夠瞓，但今日為慈善出一分力所以返嚟，本來諗住今日帶埋個仔嚟，但佢學校有活動，都想教個仔幫人。」問到她經常登台可是很少時間陪阿仔？她表示：「真係好耐冇見老公同個仔，所以今日返嚟就可以見吓佢哋，之前中秋節都特登返嚟幾個鐘食餐飯，雖然我唔夠瞓同沙聲，但唔緊要，最緊要大家開心。」

問到可會減少工作？她表示：「其實我每年都會同屋企人去兩、三次旅行，每次去成十幾日，所以我哋相處時間係夠，同埋個仔依家中四，有時會冇時間陪我，因為佢要預備DSE。」她亦表示今年新年去了大阪旅行13日，推掉14場騷，問到損失了幾位數字？她笑言：「冇計過，所以其實我都會推job陪屋企人，不過我同老公都會好好配合，如果我哋其中一個要做嘢，另一個會喺香港陪個仔，因為都想睇住囝囝成長，佢都好明白我哋。」