范冰冰工作室變咗粉絲團？

內地女星范冰冰捲入逃稅風波後已神隱逾100日，不過之前有網民發現佢喺生日時「現身」微博，見佢微博戶口自動發出生日訊息，但唔到五分鐘即被刪除。而相隔一個月冇更新貼文嘅范冰冰工作室，今日就轉載「愛里的心」貼文：「世界心臟日，一起關愛心臟健康！愛里的心，339顆心臟，339個希望。九年，『心』路仍在前行，任重道遠；十年，揮手而來，願為之更加努力。」而「愛里的心」就係由冰冰同陳礪志一齊發起救助兒童先天性心臟病嘅公益項目，而冰冰亦曾講過呢個項目會一直做落去。亦有網民發現范冰冰工作室嘅背景資料同埋基本資料都冇晒，而「行業類別」，仲被改成為「粉絲團-粉絲會」。