四司集氣！張文慈讚張慧儀養子勁過超人

藝人張慧儀養子Hanson即將要做一場大手術，因拍攝無綫劇《宮心計2深宮計》而成為好友的「四司」謝雪心、張文慈、羅霖和康華，對於對方為兒子無私奉獻大受感動，當得知Hanson要動大手術都給予支持和鼓勵。

張文慈受訪坦言會日日為其子打氣及祈禱：「今次Hanson做手術，當然要祝福，之前我哋宣傳時，我見過Hanson，知佢好鍾意幪面超人公仔，所以喺呢度我想同佢講，佢比超人更勇敢，加油！要快啲好番！健康成長！」而謝雪心更以行動支持，安排Hanson在手術前，到其代言的健康用品公司，享用健康床作保健之用，慧儀被她們的支持深受感動。