驚爆06年註冊！江美儀吳君祥分手變「離婚」

藝人江美儀於2005年與吳君祥拍拖，惟近年吳君祥到內地發展，江美儀經常形單影隻，二人昨日（5日）終開腔承認已分手兩年，11年情告終！

消息一出，不少人都戥他們可惜，一向疼錫江美儀的吳君祥父親夏春秋（冬叔）亦指對兩人分手感愕然，接受東網訪問時，更驚爆兩人曾註冊結婚：「我都係早一、兩個月先知，好可惜，最近一次見面係今年年初，美儀爸爸生日飯敍時見過。佢哋2006年喺西雅圖結婚，分開咗好可惜，美儀好好，一向對我哋都好有心。」

否認有第三者

對於冬叔突然爆料指已婚，江美儀回應說：「吓？結婚？冇喎！佢係咪記錯呀！」身在內地的吳君祥亦即時澄清：「爸爸搞錯咗喇，冇呢件事。」

----------------------------

東網巨星開咗ig喇，大家快啲follow啦！