向敏之挑機　譚嘉儀晒無敵長腿：絕冇P圖

早前「索腿天后」陳敏之晒出「50吋」長腿令人非常震驚，不過終於出現對手！只有1米54嘅歌手譚嘉儀竟然「夠資格」向前輩挑機喎！身材的骰只有1米54嘅譚嘉儀喺Instagram上載瞓喺遊艇上嘅泳照，唔只晒出纖腰，佢對世界級白滑長腿先係重點，變咗9頭身，囂張到話：「有d（啲）想P短d（啲）對腳 ??太長Tim（添）~」仲強調冇P圖兼tag住「62吋嘅標準圖」、「相機鏡頭嘅厲害」！果然角度真係好重要，攝影師比Model嘅先天條件更為強大呀！

唔少絲打都向佢求教點影，網民就大讚佢「樣靚身材正」、「目測1米8」，又笑言「直頭長過彌敦道」呀！