毛毛蟲變蝴蝶！落選亞姐李芷菱發文訴心聲

尋晚《2018亞洲小姐競選》香港賽區決賽圓滿結束，而曾參加過港姐面試，但冇入圍嘅李芷菱就獲得「最上鏡小姐」同「IG人氣大獎」兩個獎項。而今日芷菱就喺社交網發文分享參選感受，仲話為咗今次比賽好認真地裝備自己：「由唔識跳舞變到骨骼精奇，由肥嘟嘟每餐大魚大肉變到唔敢食野（嘢）努力瘦身，由懶做運動變到會主動去做負重運動，由隨心隨意選美變到認真自動，知道自己盡過力就已經無憾。」

佢仲開心表示獲得兩個獎，證明自己夠上鏡同有人氣，亦不忘感激粉絲：「謝謝我的朋友和粉絲全程撐我追蹤我動向，你們支持令我更淡定，謝謝大會給我機會讓我由毛毛蟲變蝴蝶，謝謝各星級評判。」