33歲張文采做人妻　昔日主播送嫁

有「新聞之花」之稱33歲嘅張文采，今日出嫁做人妻，下嫁細佢兩年任職消防員嘅老公盧樂輝。張文采以一身紅色旗袍打扮示人，代表傳統裙褂出門，以頸上戴咗一條簡潔嘅金頸鏈點綴，突出佢優雅感覺。而一班佢昔日嘅同事們好似姚雋彥、李朗怡同埋盤翠瑩都有份擔任姊妹團，其中姚雋彥仲反串並送祝福：「聽過你太多心事 但已經不再重要，眼見你要做新娘，做蜜友的真想撒嬌。」

雖然張文采就未有上載新相於社交網，但就已經急不待換咗頭像，見佢低頭情深款走咁望住個花球，就知道佢幾咁幸福啦！